Kreu i Partisë Demokratike, Sali Berisha, ka reaguar sërish pas zgjedhjes së Endri Shabanit në postin e Avokatit të Popullit me votat e mazhorancës, duke deklaruar se PD nuk do të zhvillojë më asnjë negociatë me Partinë Socialiste.
Gjatë mbledhjes së Kryesisë, Berisha e cilësoi vendimin si një akt të njëanshëm, duke u justifikuar se PS i mashtoi.
Berisha theksoi se vendimi i mazhorancës për zgjedhjen e Shabanit ka mbyllur çdo derë bashkëpunimi institucional midis dy palëve, duke paralajmëruar një qasje më të ashpër opozitare në javët në vijim.
“PD ndërpret çdo lloj negociate, çdo lloj diskutimi, debati për çdo lloj personi me palën dhunues. Merr fund, nuk mundet kurrë më.
Ai u angazhua në proces, kishim kandidaturën tonë dhe ata që thonë se nuk u fol për Adriana Kalanë dhe Besim Ndregjonin, nuk ka folur për asnjë kandidat më shumë se ata
. Kishim shumë kandidatura të tjera shumë të mira. Ne do ti përgjigjemi atij, ndërpresim çdo lloj debati e diskutimi për çdo lloj funksioni e posti me partinë e krimit”, deklaroi Berisha.
