Disa qytetarë janë mbledhur mbrëmjen e kësaj të hëne jashtë Komisariatit të Pogradecit në mbështetje të Kevi Muçllarit, i cili u arrestua pas incidentit të regjistruar në mbledhjen e Këshillit Bashkiak të këtij qyteti.
Ata thonë se 27-vjeçari mbrojti interesin publik të fshatarëve për token dhe kërkojnë lirimin e tij, ndërsa shprehen se ka qënë këshilltari ai i cili ka provokuar situatën dhe ka goditur i pari.
Ata kanë bërë thirrje më tej që Policia të mos përdoret për interesa politike por të hetojë si duhet rastin.
“Na është bërë një padrejtësi. Kemi qenë në mbledhjen e Bashkisë së Pogradecit, bëhet fjalë për disa toka që ne i kemi pasur kullota dhe këta zotërinjtë tani kërkojnë që t’i marrin këto toka për të mbjellë pemë apo ku di unë. Na është arrestuar një fshatari dhe shoku jonë pa të drejtë, ku këshilltari e provokon në maksimum. Nuk duhet të arrestohet ai, por personi përgjegjës”, tha njëri prej banorëve
“Policia të mos përdoret për interesa politike dhe të bëhet hetimi i këtij rasti edhe nga Avokati i Popullit, sepse pamjet janë kokëforta”, thotë një tjetër.
Si ndodhi ngjarja ?
