Ky është kuzhinieri Filip Shehu, i cili dyshohet se goditi me thikë kolegun e tij Indrit Ismaillari brenda ambienteve të “City Lounge” ku ishin të dy punonjës.
Autori i dyshuar shihet me pranga në duar, nën shoqërinë e dy efektivëve të policisë.
Krimi i rëndë ndodhi rreth orës 15:30 të pasdites së sotme në zonën e Komunës së Parisit.
34-vjeçari Indrit Ismaillari humbi jetën në spital si pasojë e plagëve të shumta që kishte marrë.
“Rreth orës 15:30, në zonën e Komunës së Parisit, në ambientet e një lokali, shtetasi F. Sh., rreth 41 vjeç, dyshohet se gjatë një konflikti për motive të dobëta, ka goditur me mjet prerës shtetasin I. I., rreth 34 vjeç, të dy punonjës të lokalit”, informuan blutë.
Raportohet se sherret mes picierit dhe kuzhinierit ishin të vazhdueshme, ndërsa 41-vjeçari pretendonte se viktima e bullizonte.
