Një aksident rrugor është regjistruar pasditen e sotme në qytetin e Durrësit. Ngjarja ka ndodhur rreth orës 17:40, në rrugën “Taulantia”, ku një automjet ka përplasur dy këmbësorë.
Sipas njoftimit të Policisë, drejtuesi i mjetit, shtetasi E. Sh., 30 vjeç, banues në Durrës, dyshohet se ka humbur kontrollin e makinës, duke goditur dy persona që po kalonin në rrugë.
Të plagosurit, Sh. G., 61 vjeçe, dhe E. G., 32 vjeç, janë dërguar menjëherë në Spitalin Rajonal të Durrësit, ku ndodhen jashtë rrezikut për jetën.
