Gjykata iraniane ka dënuar 2 shtetas francezë, për “spiunazh” në emër të Francës dhe Izraelit.
Dënimet janë të ënda, siç raportohet nga mediat dhe vendimi u dha sot më 14 tetor. Lajmi u transmetua nga agjencia “Mizan” e gjyqësorit iranian dhe agjencia gjysmëzyrtare e lajmeve “Fars”.
“Është dhënë vendimi i shkallës së parë në rastin e dy francezëve, të akuzuar për spiunazh dhe të arrestuar më 9 mars 2023”, raportoi “Mizan”.
Zyrtarisht, dy shtetas francezë, Cecile Coler dhe Jacques Paris, po mbahen në Iran, por u arrestuan në maj 2022. Nuk dihet ende nëse bëhet fjalë për këta dy persona.
Pa i përmendur emrat e të pandehurve, gjykata dënoi, siç raportohet nga “Reuters”, një shtetas francez me gjashtë vjet burg për spiunazh në emër të Francës, pesë vjet burg për akuzat për komplot për të kryer një krim kundër sigurisë kombëtare dhe 20 vjet burg për dhënie ndihme shërbimeve të inteligjencës izraelite.
I pandehuri tjetër u dënua me 10 vjet burg për spiunazh për Francën, pesë vjet burg për akuzat për komplot për të kryer një krim kundër sigurisë kombëtare dhe 17 vjet burg për dhënie ndihme shërbimeve të inteligjencës izraelite.
