Kryetari i Partisë Demokratike deklaroi sot se pas vendimit të Gjykatës Kushtetuese, forca politike që ai drejton është e gatshme të vazhdojë garën në pesë bashkitë e mbetura, duke theksuar vendosmërinë dhe përgatitjen e strukturave të PD-së.
“Ishim të përgatitur, motorët po ndizeshin, kandidati po bënte përgatitje të ethshme edhe për bashkinë e Tiranës. Ne nuk kërkuam asnjë ditë, asnjë orë kohë,” u shpreh kreu i PD-së, duke e cilësuar vendimin e Kushtetueses si një hap të rëndësishëm për demokracinë dhe të ardhmen e vendit.
Ai konfirmoi se kandidatët për bashkitë e tjera janë tashmë shpallur dhe përfaqësojnë një gamë të gjerë profilesh: intelektualë, biznesmenë, mjekë dhe figura të pavarura, të cilët do të kenë mbështetjen e plotë të Partisë Demokratike dhe koalicionit opozitar.
