Policia greke ka arrestuar një shqiptar që tentoi të ikte pas vjedhjes së një makine në Athinë. Ngjarja ndodhi pranë qendrës tregtare The Mall, në zonën e Amarousit.
Kur policia i kërkoi shoferit të ndalonte, ai shtoi shpejtësinë dhe makina u ndoq në rrugë të ngushta pranë stacionit ISAP “Irini”. Në një kryqëzim, shqiptari braktisi makinën dhe u përpoq të largohej në këmbë.
Ai u arrestua në rrugën Marinov Antypa 56. Makina u gjet më vonë e braktisur në rrugën Iras 60 në Heraklion.
Autori është Marsel Ndreca, 32 vjeç nga Miloti (në dokumentet shqiptare figuron 26 vjeç). Ai ka qenë më parë në duart e policisë më shumë se 10 herë për vepra të ndryshme penale dhe i është ndaluar hyrja në Greqi. Hetimi vazhdon, pasi policia po kërkon edhe një person tjetër të përfshirë.
