Një turist holandez përfundoi 10 ditë në burg në Gjirokastër vetëm për një përplasje të vogël me makinën e Adriatik Onjeas, drejtor i Drejtorisë së Shërbimeve Publike të Bashkisë.
Ky incident ka nxjerrë në pah lidhjet e dyshimta të Onjeas me pushtetin lokal dhe të kaluarën e tij problematike.
Adriatik Onjea është emëruar në krye të Drejtorisë së Shërbimeve Publike nga kryebashkiaku Golemi, duke mbajtur pozita drejtuese për disa vite. Megjithatë, formimi i tij arsimor është vënë në dyshim. Ai njihet gjithashtu për praktikat e tij të gjobëvënies në drejtoritë ku ka shërbyer.
Feim Onjea: Lidhje me policinë dhe akuza për abuzim
Problemet e familjes Onjea nuk ndalen këtu. Feim Onjea, vëllai i Adriatik Onjeas, ka qenë efektiv policie në Gjirokastër.
Ai është arratisur nga komisariati kur ka mësuar se do të arrestohej për abuzim me detyrën.
Sipas hetimeve, ai ka abuzuar me autoritetin e tij, duke përfituar nga pozita e tij për interesa personale dhe vazhdon të jetë në hetim dhe i pezulluar nga detyra. Onjea edhe pse ishte efektiv i Shqiponjave shërbente si shofer i drejtuesve të policisë në Gjirokastër e krahu i djathtë i tyre.
Rrëfimi i çiftit hollandez
Çifti hollandez, i cili përjetoi tmerrin në Shqipëri, ka treguar për mediat holandeze eksperiencën e tyre. Perry dhe Annelies thanë se një përplasje e vogël me makinën e Adriatik Onjeas, drejtor i Drejtorisë së Shërbimeve Publike të Bashkisë Gjirokastër, u shndërrua në një dramë të vërtetë.
“Pas një jave të parë të qetë në Shqipëri, java e dytë u kthye në një përvojë të tensionuar. Kishim mbërritur në qytetin e Gjirokastrës dhe doja të parkoja makinën me qira pranë hotelit, kur duke lëvizur mbrapsht u përplasa me një makinë tjetër që ndodhej në këndin tim të verbër. U shtanga nga frika,” rrëfen Perry.
“Shoferi reagoi me nervozizëm dhe nuk u plotësua formular dëmi. Policia vazhdoi hetimin e gjurmëve dhe më dërgoi në komisariat, megjithëse testi i frymëmarrjes rezultoi 0.0. Më thanë se ishte vetëm për të rregulluar dokumentet, por më vonë kuptova se procesverbali ishte përkthyer vetëm pjesërisht dhe situata po përshkallëzohej,” shton Perry.
Më pas, Perry u detyrua të qëndronte disa ditë në qeli, për shkak të statusit të palës tjetër si politikan lokal. Dritat ndezeshin gjatë gjithë ditës, komunikimi me familjen ishte i kufizuar dhe kushtet e qelisë të vështira. “I kërkova gruas sime të kontaktonte ambasadën holandeze, dhe ata ndërhynë për të ofruar ndihmë konsullore,” tregon ai.
Gjyqtari vendosi që 10 ditë burg ishin të mjaftueshme kundrejt një garancie prej 5,000 eurosh, ndërsa Perry duhej të paguante shpenzimet për avokatin, shpenzimet spitalore të palës tjetër dhe dëmet e makinës.
Çifti paralajmëron të gjithë turistët holandezë që të jenë të kujdesshëm gjatë udhëtimit në Shqipëri: edhe një incident i vogël mund të përshkallëzohet shpejt dhe të çojë në paraburgim deri në gjykim. Pra kjo ishte një reklamë e shkëlyqr per turizmin me te cilin kryeministri, Edi Rama mburret aq shumë.
LEXO EDHE:
