Kuvendi do të zhvillojë sot në orën 10:00 seancën plenare, ku në rend dite është parashikuar votimi për përbërjen e kryetarëve dhe anëtarëve të komisioneve parlamentare.
Këto komisione kanë qenë deri më tani jo funksionale, pasi ishin miratuar vetëm kryetarët dhe nënkryetarët e propozuar nga Partia Socialiste, ndërsa mungesa e përfaqësuesve të opozitës kishte bllokuar procesin.
Një ditë më parë, Partia Demokratike dorëzoi zyrtarisht emrat për katër komisionet që i takojnë për t’i drejtuar, duke i hapur rrugë zhbllokimit të situatës.
Kujtojmë se seanca e fundit e 18 shtatorit u shoqërua me tensione, ku qeveria e re mori votëbesimin në vetëm 25 minuta pas përplasjeve me opozitën.
