Janë publikuar pamjet e momentit kur Policia e Shkodrës rrethon dhe kap autorin e masakrës së sotme në kryeqendrën e veriut, 28-vjeçarin Ragip Gila.
Në videon e mëposhtme shfaqet momenti kur ai ndiqet nga Policia dhe kapet në zonën e njohur si “Zalli i Kirit”, tek shinat e trenit, disa kilometra larg vendit të ngjarjes.
28-vjeçari ka qenë me skafandër në kokë dhe me një motor, në momentin kur ka shkuar në vendin e ngjarjes dhe ka hapur zjarr me breshëri kallashnikovi në ambientet e lokalit, duke lënë dy të vdekur dhe dy të plagosdur.
Më pas ai është larguar me një automjet tip “BMW” ngjyrë gri. Por, rrugës ka bërë një aksident me një makine tjetër dhe ka tërhequr vëmendjen e policisë pasi ishte ende me skafandër. Rakip Gila ka braktisur makinën dhe ka tentuar të arratiset në këmbë, por është rrethuar nga Policia dhe është kapur në zonën e njohur si “Zalli i Kirit”.
Ragip Gila rezulton se është arrestuar edhe më 6 dhjetor të vitit 2023, pasi në banesën ku jetonte iu gjetën sende që përdoreshin nga grupe kriminale për vepra të ndryshme në Shkodër si jelekë anti-plumb, maska, paruke, armë e municion dhe sasi të lëndëve narkotike. Ai kishte dalë nga burgu vetëm pak muaj më parë,.
Kujtojmë se në atenatin e sotëm ka humbur jetën Armando Pali, punonjës i IMT-së Shkodër dhe ish-anëtar i Këshillit Bashkiak, ndërsa në spital ka ndërruar jetë 31-vjeçari Liridon Kraja alias Liridon Lushi. Ky i fundit njihej si truproja i shtetasit Erogen Vaso alias Brajoviç, 43-vjeç, i cili dyshohet se ka qenë shënjestra e atentatit dhe mbeti i plagosur.
Ndërkohë, e plagosur lehtë ka mbetur edhe shtetasja M. K., 25 vjeçe, e cila dyshohet se punonte si kamariere në lokal.
