Personi që shihni në foton e mësipërme është shtetasi Armando Pali, i cili u ekzekutua mne breshëri kallashnikovi mëngjesin e sotëm në atentatin e regjistruar në Shkodër.
Armando Pali disa vite më parë ka qenë anëtar i Këshillit Bashkiak, ndërsa aktualisht ishte punonjës i Inspektoriatit të Mbrojtjes së Territorit. Ai ka qenë në të njëjtën tavolinë me shtetasin Erogen Vaso alias Erogen Brajoviç, i konsideruar si anëtar i Bajrave. Ky i fundit mbeti i plagosur dhe ndodhet në gjendje kritike për jetën.
Nuk dihet nëse shënjestra e atentatit ka qenë Armando Pali apo Erogen Vaso alias Brajoviç, apo të dy bashkë.
Erogen Vaso alias Brajoviç, është vëllai i të arresuarit Denis Brajoviç, i cili pak kohë më parë u deportua nga Dubai, pasi akuzohet nga SPAK për vrasje.
Erogen Vaso alias Brajoviç, është një emër i njohur për policinë pasi në korrik të vitit 2023 emri i tij doli në grupin e Bajrave në Shkodër. Njihet gjithashtu redhe për lidhjet e tij me politikën.
Ai qenë anëtar i këshillit bashkiak, por edhe i përfshirë në vepra kriminale. Fillimisht ka qenë këshilltar bashkiak me Partinë Bashkimi për Drejtat e Njeriut, që drejtohet nga Vangjel Dule.
Në vitin 2007-të ai është akuzuar për veprën penale të “shtrëngimit me anë të kanosjes ose dhunës për përfitim të pasurisë”, e njohur ndryshe si gjobëvënie.
