Është rënduar bilanci i atenatit të regjistruar mëngjesin e sotëm, ku ka shkuar në dy numri i viktima. Burime bëjnë me dije se ka ndërruar jetë në spital edhe shtetasi Geridon Kraja, i cili njihej si truproja e anëtarit të grupit të Bajrit, Erogen Vaso (Brajoviç).
Ndërkohë, në vendin e ngjarjes humbi jetën edhe shtetasi Armando Pali, i cili është punonjës i IMT-së në Shkodër.
Erogen Vasos (Brajoviç) dyshohet se ka qenë shënjestra e atentatit, i cili mbeti i plagosur, së bashku me një grua, e cila dyshohet se ishte kamariere në lokal.
Ngjarja ndodhi pranë shkollës “Kole Idromeno”, brenda një lokali duke shkaktuar panik tek klientët dhe qytetarët. Autori u fut brenda lokalit dhe zbrazi breshërinë e kallashnikovit dhe më pas u largua me motor.
Sipas burimeve, autori i dyshuar u arrestua në tentativë për të ikur në zonën periferike të njohur si “shinat e trenit” në Shkodër, ndërsa ende nuk dihet identiteti i tij.
Erogen Vaso alias Brajoviç, është vëllai i të arresuarit Denis Brajoviç, i cili pak kohë më parë u deportua nga Dubai, pasi akuzohet nga SPAK për vrasjen e Gjin Ndojit në vitin 2020 në Shkodër për llogari të Ervis Martinajt.
Erogen Vaso alias Brajoviç, është një emër i njohur për policinë pasi në korrik të vitit 2023 emri i tij doli në grupin e Bajrave në Shkodër. Njihet gjithashtu redhe për lidhjet e tij me politikën.
