Në edicionin e 20-të të Forumit Strategjik të Bled-it ka marrë fjalën ish-kryeministri i Portugalisë dhe shefi i Këshillit të Evropës, Antonio Costa, i cili tha se Europa nuk është në një luftë tregtare me SHBA-të. Por theksoi se Bashkimi Evropian ka zgjedhur si rrugë diplomacinë dhe shpjegoi dhe arsyet pse.
“Sa i takon BE-së, kjo periudhë është përcaktuar nga dy ngjarje përcaktuese, marrëveshja midis BE-së dhe SHBA-ve dhe përpjekjet diplomatike rreth luftës në Ukrainë. Jam i vetëdijshëm mbi dëshpërimin e shumë europianëve që e panë BE-në shumë passive në këto zhvillime.
Natyrisht nuk i gëzohemi rikthimit të tarifave, por duhet të jemi të ndershëm dhe të shohim tablonë e gjerë. Në botën e sotme, tregtia, siguria, ndikojnë pashmangshmërisht njëra-tjetrën. Siguria, sidomos gjatë luftës në pragun tonë, është një çështje ekzistenciale, tensionet e përshkallëzuara me aleatin tonë kyç për tarifat, ndërkohë që kufiri ynë lindor do ishte rrezik i konsiderushëm… Ja pse në këtë moment kemi zgjedhur diplomacinë në vend të përshkallëzimit. BE nuk ka nisur luftë tregtare, por ne jemi treguar të vetëpërmbajtur për interesin e konsumatorëve tanë, interesin e biznesit... duke garantuar që produktet dhe shërbimet tona të mos jenë në disavantazh në raport me eksportuesit e tjerë në BE.”, tha Costa.
Ai përcolli dhe mesazhin se Bashkimi Europian do të mbrojë gjithmonë sovranitetin e tij dhe do të punojë për t’u bërë më autonom dhe rezistent, duke mbështetur fuqishëm rrugëtimin e Ukrainës drejt anëtarësimit në BE. Në fund, Costa theksoi se “Europa nuk tërhiqet, Europa angazhohet”.
“BE do të mbrojë gjithmonë sovranitetin e tij, diplomacia nuk duhet të merret kurrë për vetëkënaqësi. I përbashkët qe angazhimi prej 410 milionësh, duhet të bëhemi më autonomë, më rezistentë. Nuk mund të mbështetemi më vetëm tek aleatët tanë kur përballemi me kërcënime, ja pse dua të jap një mesazh të veçantë: Ne qëndrojmë pro një bote ku mbrohet paqja dhe rregullat zbatohen jo vetëm me fjalë, por me vepra. Europa nuk tërhiqet, Europa angazhohet.
Kemi qëndruar përballë agresionit rus të vendosur. Së bashku me shtetet anëtare, BE ka mobilizuar më shumë se 170 miliardë euro, për të ruajtur sigurinë, institucionet dhe rrjetin energjetik në Ukrainë. Kemi ndihmuar Ukrainën të rezistojë. Mbështesim rrugëtimin e Ukrainës në BE. Është realitet strategjik që po e formësojmë.”, shtoi presidenti i Këshillit të Evropës.
