Një aksident ka ndodhur mbrëmjen e sotme në aksin rrugor Lezhë-Milot, në kryqëzimin e Ishull-Shëngjinit, ku janë përfshirë dy automjete dhe kanë mbetur të plagosur tre persona.
Ngjarja ka ndodhur rreth orës 19:40. Policia njofton se automjeti me drejtues R. D. është përplasur me automjetin që drejtohej nga F. P.. Si pasojë e përplasjes, kanë mbetur të lënduar drejtuesit e të dy automjeteve, si dhe pasagjeri në mjetin e shtetasit R. D., M. V.
Të tre të dëmtuarit janë transportuar me urgjencë në Spitalin e Traumës në Tiranë, ku po marrin ndihmë mjekësore më të specializuar.
