Komisioni Rregullator në Komisionin Qendror të Zgjedhjeve ka miratuar sot projektvendimin për shpalljen e rezultatit përfundimtar të zgjedhjeve parlamentare të 11 majit, me tre vota pro dhe dy kundër.
Vendimi pasqyron numrin e votave të marra nga çdo subjekt zgjedhor në qarqe, numrin e mandateve të fituara, si dhe listën emërore të deputetëve në nivel qarku dhe kombëtar.
Ky akt shënon mbylljen zyrtare të procesit zgjedhor dhe hap rrugën për konstituimin e Kuvendit të ri. Hapi i radhës pritet të jetë mbledhja e parë e Kuvendit, ku do të zhvillohet seanca e konstituimit.
Shpërndarja e mandateve sipas partive:
Partia Socialiste: 83 deputetë
Partia Demokratike – Aleanca për Shqipërinë Madhështore: 50 deputetë
Partia Socialdemokrate: 3 deputetë
Partia Mundësia: 2 deputetë
Lëvizja Bashkë dhe Nisma Shqipëria Bëhet: 1 deputet secila
