Kreu i Partisë Demokratike, Sali Berisha, gjatë një konference për shtyp komentoi zhdukjen për rreth 10 orësh të ish-zv/drejtorit të AKSHI, Daniel Shima, dhe lidhjet e tij me tenderat e kompanive private në këtë agjenci.
Berisha u ndal në mënyrën se si Gerond Meçe, përmes kompanisë ABS, ka fituar 46 milionë euro tendera, duke përfshirë edhe procedura të dyshimta të lidhura me AKSHI-n.
Ai tha se ekzistojnë regjistrime ambientale që vërtetojnë biseda dhe marrëveshje të përfshira në këto tendera.
“Ju, shqiptarët e dinë, se regjistrime ambientale, çka do të thotë regjistrime në tavoline, të një bisede të Gerond Meçes, njeriut që ka fituar 46 milionë euro tendera, me të famshmen kompani ABS, tendera sekrete, tendera pa garë, dhe janë vërtetuar 800 transaksione nga Thesari i Shtetit, në një bisedë me një person tjetër në një mjedis, personi tjetër i kërkon Gerond Meçes mbështetje për ët fituar tendera në AKSH, ku aty përflitet se tenderat i përcakton baxhanaku i Edi Ramës, kunati i Linda Ramës, Armand Fangu, madje thuhet se vetë Linda ka bërë takime me prokurorin Mara që po hetonte dosje të Armand Fangut.
Pra, Shima ishte një person në qendër të ciklonit.
Ishte personi që dinte çdo gjë për Fangun, për Meçen, por dinte gjithçka tjetër edhe për dy zonjat aty, njëra është famozja Mirlinda, kurse tjetra është fiks motra e Ergys Agasit, e këtij kryemafiozi të Shqipërisë dhe Ballkanit.
Ajo është drejtoresha juridike e AKSHI-t”, tha ai.
LEXO EDHE:
