Pas aksidentit të rëndë në autostradën Egnatia, në segmentin Komotini–Ksanthi, ku tre shqiptarë humbën jetën gjatë kthimit nga një dasmë, janë bërë të ditur emrat e viktimave:
Viktor Bushi, 59 vjeç, banues në Metamorfosi, Athinë.
Klarenc Kacaj, 61 vjeç, banues në Dhrapecona, Athinë.
Marianka Bushi Aliraj, 57 vjeçe.
Gjithashtu, Mardalena Kacaj, 49 vjeçe, ndodhet e plagosur në spital. Ajo ishte ulur në sediljen pas drejtuesit të automjetit dhe u nxor nga kalimtarët që iu erdhën në ndihmë.
Ngjarja ndodhi mesditën e së hënës, kur një kamion u përplas me dy automjete të ndalura në radhë, të cilat ishin pjesë e një kolone prej rreth 600 metrash. Përplasja shkaktoi një zjarr të madh, i cili përfshiu automjetet dhe shkaktoi vdekjen e tre personave. Një nga automjetet mbante katër persona, ku tre humbën jetën dhe i katërti u dërgua në spital në gjendje kritike. Një automjet tjetër me katër pasagjerë mbeti me lëndime të lehta, jashtë rrezikut për jetën.
Sipas dëshmitarëve, pasagjerët kërcënonin dhe bërtisnin për ndihmë, por askush nuk mundi t’i nxirrte nga automjetet që po digjeshin. Zjarri u përhap edhe në tokë bujqësore përreth autostradës.
Policia greke ka bllokuar përkohësisht qarkullimin në segmentin Komotini–Ksanthi, duke drejtuar automjetet në rrugë alternative dhe ka nisur hetimet për të përcaktuar shkaqet e aksidentit.
