Një 32-vjeçar është arrestuar nga policia në Tiranë, pasi lëvizte me armë zjarri.
Policia bën me dije se, gjatë kontrollit fizik të 32-vjeçarit në rrugën ‘5 Maji’, shërbimet e Policisë i gjetën 1 armë zjarri pistoletë.
Po ashtu në njoftimin e ‘bluve’ të kryeqytetit theksohet se 32-vjeçari rezulton i dënuar më parë për prodhim dhe shitje të narkotikëve dhe vjedhje
“Shërbimet e Komisariatit të Policisë Nr. 4, bazuar në informacionet e marra se një shtetas qarkullonte me armë zjarri, kanë organizuar dhe finalizuar operacionin policor të koduar “The Ëalker”, si rezultat i të cilit u arrestua shtetasi:
-K. P., 32 vjeç, banues në Tiranë, i dënuar më parë për prodhim dhe shitje të narkotikëve dhe vjedhje.
Gjatë kontrollit fizik të 32-vjeçarit në rrugën ‘5 Maji’, shërbimet e Policisë i gjetën 1 armë zjarri pistoletë, e cila u sekuestrua në cilësinë e provës materiale.”, njoftoi policia.
Materialet procedurale iu referuan Prokurorisë së Tiranës, për veprime të mëtejshme.
