Ministri izraelit i Mbrojtjes, Israel Katz, ka bërë sërish deklarata të forta kundër Udhëheqësit Suprem të Iranit, Ali Khamenei. Përmes një postimi në rrjetin social X, Katz i është drejtuar Khameneit duke thënë se kur të dalë nga bunkeri, duhet të “ngrejë sytë drejt qiellit” dhe të “dëgjojë me kujdes çdo zhurmë”, duke iu referuar dronëve dhe raketave izraelite.
Kjo deklaratë vjen në përgjigje të një grafiku të shpërndarë nga Teherani, që përshkruan zyrtarët izraelitë si objektiva vrasjeje, duke përfshirë edhe Katzin, të cilin e quajnë “Ministër i Terrorizmit”.
Grafiku i referuar duket të jetë një variant i një materiali izraelit që shënon vrasjet e zyrtarëve iranianë gjatë konfliktit, por nuk dihet saktësisht origjina e tij dhe sa është përhapur para se Katz ta ripostonte.
איראן מפרסמת את רשימת הבכירים בצמרת המדינית ביטחונית בישראל המיועדים לחיסול.
אני מציע לדיקטטור האיראני חמינאי שכשהוא יוצא מהבונקר שירים מידי פעם מבט לשמיים ויקשיב טוב לכל זמזום.
משתתפי “חתונה אדומה” מחכים לו שם. pic.twitter.com/Ojf8Km5Iay— ישראל כ”ץ Israel Katz (@Israel_katz) August 11, 2025
