Është zbardhur ngjarja e ndodhur më 24 korrik në rrugën “Peti” në Tiranë, ku në portën hyrëse të garazhit të Elvis Kosova u vendos një sasi lënde plasëse.
Nga hetimet e kryera, është identifikuar dhe shpallur në kërkim autori i dyshuar i ngjarjes, K. S., 36 vjeç, banues në Fushë Krujë.
Policia ka bërë të ditur se është sekuestruar edhe automjeti me të cilin i dyshuari dyshohet se ka lëvizur gjatë kryerjes së veprës penale. Punohet për lokalizimin dhe ndalimin e tij.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Tiranë.
