Politologu Ilir Kalemaj komentoi krimet zgjedhjore.
Në studion e MCN Live, tha Kalemaj se krim zgjedhor është dhe falja e 200 milionë eurove gjoba që bëri Edi Rama dy ditë para zgjedhjeve.
“Si ka mundësi që diskutohet shpesh me të drejtë apo pa të drejtë pse PD nuk po ruan radhët e veta, pse elementë të caktuar kanë shkuar tek PS-ja, ndoshta për shkak të 12 viteve opozitë, por elefanti në dhomë është pse ka nevojë Rama të blejë si në merkato ish figura drejtuese të PD-së. 12 drejtorë të qeverisë në Vlorë sot janë ish-PD. Pse? Pak rëndësi nëse do i ketë SPAK-u nga ana lëndore apo do i kenë prokuroritë e rretheve krimin zgjedhor, por në krimin zgjedhor në kuptimin e veprës penale në kundërshtim me Kodin Zgjedhor dhe Kushtetutën e Shqipërisë janë 200 milionë euro që ka falur gjoba Edi Rama 2 ditë para zgjedhjeve”, tha Kalemaj.
