Teksa në Shqipëri u shkrumbuan më shumë se 29 hektarë, Ministri i Mbrojtjes Pirro Vengu ka deklaruar se nga zjarret e korrikut, autoritetet kanë nxjerrë mësime të vlefshme.
Më tej Vengu tha se qeveria do të ofrojë një paketë mbështetëse për dëmet e shkaktuara në fushën e bujqësisë, banesave apo nevojave të tjera që kanë lindur si pasojë e vatrave të zjarrit.
“Ky takim ka dy qëllime, vlerësimi i gatishmërisë operacionale për emergjencat civile dhe leksionet e nxjerra nga muaji korrik dhe vlerësimi i dëmeve, konstatimi dhe përgjigjja që duhet t’u japim banorëve të prekur. Deri në fund të muajit korrik kemi pasur 59 zjarre masive (që tejkalon sipërfaqen 1 ha). Në total janë 29 mijë ha sipërfaqe e djegur. Kanë qenë të angazhuar 14200 persona, 2000 mjete dhe janë zhvilluar 63 operacione ajrore. Katër helikopterë të forcave tona kanë në gatishmëri të plotë, dy helikopterë nga Hungaria, dy Canadair nga Italia, dy nga Greqia dhe një nga Kroacia. Nuk ka pasur kurrë kaq shumë mjete ajrore dhe të specializuara në dispozivcion. Ne do vazhdojmë të investojmë qoftë në rinovimin e flotës ajrore qoftë saj tokësore”, tha Pirro Vengu.
