Një aksident i rëndë rrugor është shënuar pasditen e sotme në aksin Peshkopi–Luzni, ku një automjet ka dalë nga rruga duke lënë të plagosur një çift bashkëshortësh.
Sipas informacioneve paraprake, aksidenti ka ndodhur në një prej kthesave të kësaj rruge rurale. Dyshohet se për shkaqe ende të paqarta, drejtuesi i mjetit ka humbur kontrollin, duke bërë që makina të përfundojë jashtë rruge.
Si pasojë e aksidentit, gruaja ka pësuar dëmtime të rënda dhe ndodhet në gjendje kritike për jetën. Ajo po përgatitet të transportohet me helikopter drejt Spitalit të Traumës në Tiranë.
Ndërkohë, bashkëshorti i saj ka marrë lëndime më të lehta dhe po merr trajtim mjekësor në spitalin rajonal të Peshkopisë.
