Një konflikt i armatosur mes dy grupeve kriminale në Pire, në shtator 2024, ka sjellë arrestimin e 12 personave, përfshirë shqiptarë, grekë dhe një punonjës policie.
Ngjarja ndodhi në orët e para të mëngjesit të 29 shtatorit jashtë një klubi nate në Pire, ku dy grupe me të paktën 6 persona secila përplasën fillimisht fizikisht, për të kaluar më pas në shkëmbim zjarri me armë të ndryshme.
Në kontrollet e mëtejshme në banesa dhe në personat e arrestuar, policia greke sekuestronte një arsenal armësh, përfshirë pistoleta, revolverë, armë gjuetie, fishekë, thika, si dhe një sasi droge, para dhe automjete.
Të arrestuarit akuzohen për krijim organizate kriminale, tentativë vrasjeje me dashje, dëmtim të rrezikshëm trupor, shkelje të detyrës dhe shkelje të ligjeve për drogën dhe armët.
Sipas autoriteteve, shumica e tyre kanë precedentë të mëparshëm kriminalë, ndërsa hetimet vazhdojnë për të përcaktuar të gjitha aspektet e aktivitetit të tyre kriminal.
