Pas fitores së 10 mandateve të Partisë Socialiste në Elbasan, qeveria e Edi Ramës ka menduar që “ia marrë shpirtin” qytetarëve duke rritur ndjeshëm çmimet e ujit të pijshëm.
Enti Rregullator i Energjisë (ERE) ka miratuar këtë të hënë që çmimi për një metër kub ujë për familjarët në qytetin e Elbasanit do të rritet nga 40 lekë në 60 lekë.
Rritja është edhe më e fortë në qytetet e tjera të qarkut. Në Gramsh, çmimi do të ngjitet nga 32 lekë në 60 lekë për metër kub, ndërsa në Librazhd nga 42 lekë në 60 lekë.
Ndryshime të ndjeshme janë bërë edhe për tarifat e kanalizimeve të ujërave të ndotura. Në Elbasan, tarifa do të rritet nga 9 lekë në 15 lekë për metër kub, ndërsa në Gramsh do të vendoset për herë të parë një tarifë prej 30 lekësh për metër kub, nga zero që ishte më parë.
Këto rritje vijnë si pjesë e një ndryshimi në sektorin e ujësjellës-kanalizimeve, ku shërbimi kaloi nga kompetenca e njësive vendore nën administrimin e Ministrisë së Infrastrukturës dhe Energjisë që drejtohet nga Belinda Balluku. Për shumicën e qytetarëve, pasoja më e drejtpërdrejtë e kësaj reforme ka qenë rritja e çmimeve të ujit pothuajse në të gjithë vendin.
Pavarësisht skandaleve, tenderave korruptivë, Edi Rama në mënyrë të paprecedentë në histori të vendit do të vijojë qeverisjen e tij edhe për 4 vitet e ardhshme të cilat pritet të karakterizohet nga arroganca pushtetare dhe rritja e çmimeve për nevojat bazë të jetesës së qytetarëve.
- Më poshtë është lista me çmimet e reja të ujit:
