Janë zbardhur emrat e dy burrave të arrestuar në Tiranë, të cilët akuzohen se abuzonin seksualisht me një 38-vjeçare me aftësi të kufizuara, si dhe e shfrytëzonin atë për prostitucion.
Në pranga janë vënë shtetasit Ardian Biraçi, 61 vjeç dhe Vasillaq Trebicka, 66 vjeç. Ka qenë vëllai i 38-vjeçares, ai i cili ka bërë kallëzim në Polici për dy të arrestuarit, ndërsa sipas autoriteteve, për prostitucion dyshohet se e shfrytëzonte vetëm 61-vjeçari.
“Specialistët për Hetimin e Krimeve të Komisariatit të Policisë Nr. 1 arrestuan shtetasit A. B., 61 vjeç dhe V. T., 66 vjeç, pasi ka kallëzuar një shtetas, se këta të dy dyshohet se kanë kryer marrëdhënie seksuale me motrën e tij 38 vjeçe (shtetase e pazotë për t’u mbrojtur). Gjithashtu, ka kallëzuar dhe dyshon se 61-vjeçari e ka shfrytëzuar 38-vjeçaren, për prostitucion.” – thuhej në njoftimin e bluve të kryeqytetit.
Policia, edhe pse i ka arrestuar menjëherë pas kallëzimit, thotë se vjojnë hetimet për verifikimin e kallëzimit.
