Komisioni Qendror i Zgjedhjeve ka përditësuar të dhënat nga rinumërimi i kutive të votimit në Qarkun e Tiranës. Deri më tani janë numëruar 1035 nga 1282 kuti, që përbëjnë mbi 80% të totalit.
Nga procesi rezulton se Partisë Demokratike i janë gjetur 567 vota më shumë se sa rezultonte fillimisht, ndërsa Partisë Socialiste 356. Shtesa të ngjashme janë konstatuar edhe për Lëvizjen Bashkë (57 vota), “Nisma–Shqipëria Bëhet” (38 vota), Partinë Mundësia (39 vota) dhe PSD-në (32 vota).
Ndërkohë, koalicionit Euroatlantik i janë shtuar 22 vota që mungonin më parë, dhe koalicionit Djathtas për Zhvillim i janë shtuar 6 vota.
Për disa parti janë gjetur edhe diferenca të vogla, siç është rasti i Aleancës Kombëtare Shqiptare, që kishte 7 vota më pak, dhe Aleanca Demokracia e Re, që rezultonte me 11 vota më shumë.
Procesi i rinumërimit po vijon dhe pritet të përfundojë së shpejti.
