Një faqe tjetër në karrierën e tij: Akileu Ndreca nuk është më pjesë e Tiranës. Sulmuesi ka zgjedhur të vijojë rrugëtimin futbollistik në Prishtinë, duke u prezantuar zyrtarisht dje te kryeqytetasit kosovarë.
Por pas këtij transferimi, nuk mungoi edhe fjala e lënë pezull. Me një ton të qartë, por pa mllef, Ndreca vendosi të flasë për prapaskenat që e shtynë të largohej nga bardheblutë.
“Arsyeja e largimit tim nga Tirana nuk ishte një. Mund të them se ishte për shumë arsye, por sidomos arsyeja kryesore është që kurrë nuk u vlerësova për atë që jepja dhe asnjëherë njësoj si të tjerët”, tha ai pa ngurrim.
Në këto fjalë nuk fshihet thjesht një zhgënjim sportiv, por një mesazh i drejtpërdrejtë për mënyrën se si u trajtua brenda skuadrës.
Prishtina fiton një lojtar me grintë, i cili ka ende shumë për të dhënë, ndërsa Tirana humb jo vetëm një sulmues, por edhe një karakter që nuk pranoi të heshtë për të vërtetën e tij.
