Nga Basir Çollaku
Ai dhe ata, nuk po përdorin Spaçin për të bërë një film, por po përdorin një film për të zhdukur nga kujtesa e historisë më të keqe, dëshminë e gjallë të ferrit të etërve. Kam pasur edhe unë familjarë në atë thertore njerëzish. Si qindra mijë të tjerë. Ajo ngrehinë e rrënuar është një bujtinë klithmash.
Një eksperiment vrasësish. Rilindasit e sotëm e kanë histori baballarësh e gjyshërish. E kanë mburrjen e së shkuarës me turp të zi. Është “Dantja” i pashkruar kurrë më ferr se kaq E turret sot të përziejë gëlqere me gjak. Të zbardhë errësirën e një kombi. Të torturojë eshtrat e zhdukura. Të zbukurojë atin e tij. Ajo është bankë mallkimesh e lotësh. Nuk pikturohet. Nuk zhbëhet. Është shembja e re e kishave dhe xhamive, atyre jetëve të fikura në atë kanibalizëm nëntoke, që mbajtën gjallë Zotin edhe në Ferr.
Po duan të varrosin historinë e turpit të tyre.
Sot, çmenduria e një shteti prodhohet nën këmbët e një të çmenduri.. Kjo është betejë me Krijuesin. Dhe me të nuk ka fituar askush. Ndoshta fundet zbresin në fund, kur marrin mandatën. Nuk thuhet mëshira e Krishtit, fali o Zot se nuk dinë çka bajnë. Jo. Është ndryshe. Mos i fal o Zot se e dinë çfarë po bëjnë.
Rama po kthen Shqipërinë në një Spaç të ri të madh. Më modern. Njëlloj vrasës. Lejen po ia japim ne, me nënshtrim, me mos-reagim..
Sepse nga ato qeli një ndër martirët sapo u dënua me vdekje, u tha xhelatëve..::
..Na jemi ma të fortë nën dhe, se ju mbi dhe…
