Për herë të parë në procesit gjyqësor ndaj grupit të Laert Haxhisë ka dëshmuar bashkëpunëtori i drejtësisë, Artan Tafani, i përfshirë në disa krime në Lushnje dhe më gjerë.
Dosja është ndarë ku vetëm 8 persona po gjykohen në këtë proces.
Artan Tafani: “Para vitit 2015, para se te arrestohesha, kam qenë në Greqi me familje. Kam qenë i martuar, kam pasur një fëmijë. Jam kapur me drogë dhe jam kthyer në Shqipëri. Bëra një vjedhja për lekë se kam pas probleme. Kam bërë burg në Rrogozhinë dhe në Kosovë të Lushnjës. Kur ika në Greqi isha 15-16 vjeç. Kam qenë përdorues droge.
Në vitin 1997 më kanë vrarë babain në Lushnjë, në Karbunar. Në atë kohë jetoja me nënën, motrën dhe babën. Në Lushnje merreshim me biznes familjar. Në Greqi kam bërë punë të ndryshme. Në 2006-ën erdha në Shqipëri, jam marrë me tregti me rroba, bojëra, etj. Në 2015-ën rashë në burg për vjedhje, se vodha “Ëester Union”. E bëra vetëm, mora ca lek i prisha dhe mbas 3-4 muajsh me kapën.
Në paraburgim kam njohur më shumë lushnjarë, mbas ca kohësh Lulzim Arapi që kishte bërë një plagosje, se Laert Haxhiu kishte plagos nipin e Aldo Bares dhe me të njëjtën armë është gjetur te stani i babit të Laertit. Kemi pas dhomën ngjitur se ishim shumë lushnjar. Mbas Lulzimit ka ardhur dhe Qamil Haxhiu, se iu gjet një armë te stani. Pasi kam dalë nga burgu jam takuar rastësisht me Laertin te karburanti i Sajmir Taullaut. Më çon fjalë se do të të takoj Lulzimi se do të më takojë. Kisha probleme ekonomike për të punuar me mall. U takova me Lulzim Arapin, Ligor Romaçkan dhe Laert Haxhiun. Anterio Kaloshin e kam pas në Rrogozhinë, Dorjan Shurdhin”.
Kujtojmë që Artan Tafani u arrestua në shtator të 2023 pasi grabiti me armë një pikë këmbimi valutor në zonën e Astirit.
