Një aksident i rëndë me pasojë vdekje është regjistruar mëngjesin e sotëm në aksin rrugor, Mbikalimi i Patokut-Laç.
Policia njofton se një automjet ka aksidentuar për vdekje 59-vjeçar, i cili ishte duke lëvizur në këmbë.
I dëmtuari është transportuar menjëherë për në spitalin rajonal Kurbin, por ka ndërruar jetë gjatë rrugës për në spital.
Drejtuesi i automjetit është larguar nga vendngjarja së bashku me automjetin.
Grupi hetimor, nën drejtimin e Prokurorisë, po vijon punën për identifikimin dhe kapjen e drejtuesit të automjetit, si dhe për sqarimin e plotë të rrethanave të ngjarjes.
