Policia e Tiranës ka arrestuar një person të shpallur në kërkim ndërkombëtar nga autoritetet turke, për disa vepra të rënda penale dhe i konsideruar si kreu i një organizate kriminale.
Në kuadër të operacioni policor të koduar “Multiple” është vënë në pranga U. O., 44 vjeç, me qëllim ekstradimin drejt Turqisë.
“-Prokuroria e Izmirit i ka lëshuar urdhër arresti për këtë shtetas, mbi akuza për veprat penale: tentativë vrasjeje, krijim të organizatës kriminale për falsifikim të dokumenteve dhe heqje të paligjshme të lirisë.
-Gjykata e Lartë e Karsiyakës i ka caktuar masën e sigurisë “Arrest në burg”, për posedim dhe trafikim të lëndëve narkotike.” – njoftojnë blutë e kryeqytetit.
Policia thotë se Interpol Tirana po bashkëpunon me homologët në Turqi, për të finalizuar procedurën për ekstradimin e 44-vjeçarit.
