Një aksident rrugor është regjistruar paraditen e sotme në afërsi të Spitalit Rajonal të Korçës, ku janë përfshirë një automjet dhe një motomjet.
Mësohet se drejtuesi i motomjetit ka pësuar dëmtime të lehta dhe është transportuar menjëherë në spital. Burimet bëjnë me dije se ai ndodhet jashtë rrezikut për jetën.
Policia ndodhet në vendngjarje dhe ka nisur hetimet për të sqaruar shkaqet dhe rrethanat e aksidentit.
