Gjatë emisionit “Opnionin”, Edi Rama iu përgjigj pyetjes së Fevziut, që solli reagimin e Sali Berishës në rrjete sociale, ku shkruante se “Rama nuk vjen në debat sepse e di që pësoi fatin që pati Biden me Trumpin”.
Rama përsëriti etiketimin ndaj liderit demokrat si “një bug kënete”, teksa tha se të dielën do marri një mesazh shumë të qartë dhe se nuk ka shanse të debatojë me të.
Edi Rama: Nuk kam asnjë koment për atë që e quan… ai është një buf kënete që sot ka mbaruar fushata e jetës së tij dhe që ditën e dielë do marri një mesazh shumë të qartë nga populli shqiptar.
Blendi Fevziu: Dje tha që vetëm ai lart më largon nga PD.
Edi Rama: Vetëm ai lart e largon një buf nga këneta. Këneta ka nevojë për bufin e vetë.
Blendi Fevziu: Ore pse nuk del në debat?
Edi Rama: Nuk ka asnjë shans që një katran me bojë që nuk ka lënë të gjallë e të vdekur të shtëpisë time pa e marrë zvarrë, të ketë fatin që unë t’i jap 1 minutë nga prania ime. Është tërheqje zvarrë e të vdekurve dhe të gjallëve të familjes time në mexhelis duke i pështyrë për hesapet e tij të ndyra politike.
