Tirana dhe Pogradeci po luajnë prej orës 18:00 në sfidën e cila do të vendosë se cila prej dy skuadrave do të jetë pjesë e Superiores në edicionin e ardhshëm.
Takimi ka nisur me një ritëm të lartë me liqenorët që kanë krijuar mundësitë e para për shënim ndërsa më pas ka ardhur edhe kundërpërgjigja e Tiranës.
Fillimisht në minutën e 5-të rreziku shfaqet para portës së Selmanit pasi Ivani kthen një top në qendër, portieri del dhe grushton e më pas fiton faull.
1 minutë më pas Zguro harkon rrezikshëm te Krasniqi por ky i fundit nuk ia del të devijojë para portës.
Megjithatë Tirana ka reguar duke patur dy mundësi të arta shënimi. Fillimisht Ndreca godet brenda zonës ndërsa topi po shkonte drejt rrjetës mbrojtësi i Pogradecit bën ndërhyrje shpëtimtare duke larguar rrezikun.
Rasti më i mirë do të vinte në miuntën e 16-të. Jarmouni i gjendur i vetëm përballë portierit Staniç, godet drejt portës por topi ndalet nga gardiani i liqenorëve.
