Një 35-vjeçar është plagosur me thikë, pas një konflikti të çastit, për motive të dobëta në një lokal në Tiranë.
Policia bën me dije se ka shpallur në kërkim autorin.
Ndërsa janë proceduar 3 persona për moskallëzim krimi
“Specialistët për Hetimin e Krimeve të Komisariatit të Policisë Nr. 3 shpallën në kërkim shtetasin K. K., 30 vjeç, pasi dyshohet se së bashku me një shtetas ende të paidentifikuar, në një lokal në rrugën “Zydi Herri”, gjatë një konflikti të çastit, për motive të dobëta, kanë plagosur me mjet prerës, shtetasin M. P., 35 vjeç, i cili është në spital, në kujdesin e mjekëve.
Gjithashtu, nisi procedimi në gjendje të lirë për shtetasit P. S., 28 vjeç, K. I., 46 vjeç dhe M. L., 27 vjeç, si dhe u shpall në kërkim shtetasi E. S., 47 vjeç, për moskallëzim të këtij krimi. Punohet për nxjerrjen përpara përgjegjësisë penale të të gjithë shtetasve të implikuar në këtë rast”, thuhet në njoftimin e policisë.
