Presidenti i Shteteve të Bashkuara, Donald Trump, ka vendosur që të adresojë personalisht kësa radhe sulmet ndaj universitetit”Harvard”, jo përmes ndonjë mase nga administrata e tij, por me shkrim në rrjetin e tij social Truth Social.
Trump e ka cilësuar si një institucion të së majtës, anti-semetike, e cila pranon studentë nga e gjithë bota që sipas tij duan të copëtojnë Amerikën.
Ai po kështu shprehet se Harvard është një “kërcënim” për demokracinë, pasi ka një avokat që e përfaqëson Trump-in e se duhet të shkarkohet.
Deri më tani, administrata e Trump ka ngrirë 2.2 miliardë fonde për universitetin “Harvard” , por gjithashtu institucioni arsimor kërcënohet që të mos regjistrojë dot studentë ndërkombëtarë.
Postimi i plotë:
“Harvardi është një institucion antisemitik, i së majtës, si dhe shumë të tjerë, me studentë të pranuar nga e gjithë bota që duan të copëtojnë vendin tonë. Vendi është një rrëmujë, që lejon një grup të caktuar të çmendurish të hyjnë dhe të dalin nga klasa dhe të nxjerrin zemërim dhe urrejtje të rreme. Është vërtet e tmerrshme! Tani, që kur filluan regjistrimet tona, ata sillen sikur të ishin të gjithë “Byrekë me mollë amerikane”. Harvardi është një kërcënim për Demokracinë, me një avokat, që më përfaqëson, i cili duhet të detyrohet të japë dorëheqjen, menjëherë, ose të shkarkohet. Ai nuk është aq i mirë, gjithsesi, dhe shpresoj që kompania ime shumë e madhe dhe e bukur, e drejtuar tani nga djemtë e mi, ta heqë qafe sa më shpejt!”
