Të tjera detaje janë bërë publike në lidhje me atentatin e ndodhur mbrëmjen e kësaj të enjteje (17 prill ) në Tiranë.
Policia bën me dije se 4 persona kanë mbetur të plagosur, mes tyre edhe dy të mitur.
Bëhet fjalë për shtetasit: Arens Stafa (34 vjeç), Marko Bardhi Demiraj (17 vjeç ) Dior Demiraj (11 vjeç) dhe Kian Mullaj (19 vjeç) të cilët janë transportuar me urgjencë në spital.
Nga burimet pranë spitalit, mësohet se i mituri 11 vjeçar paraqet gjendje më të rënduar shëndetësore, nga plagët e marra.
- Çfarë njofton policia?
“Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.
Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.
Për këtë ngjarje do të kemi informacion më të zgjeruar pas sqarimit të plotë të rrethanave të rastit”, njofton policia.
Ndërkohë burimet mediatike bëjnë me dije se objekt i sulmit ka qenë makina e kompanisë së sigurisë, Pelikani Security.
Mësohet se autorët kane qelluar me arme zjarri nga rrethrrotullimi i Shkozes, deri tek tregu i ri prane TEG, ndërkohë më pas autorët janë larguar dhe dyshohet se kanë ndjegur makinën në zonën e Lundrës.
Policia dhe grupi hetimor kanë mbërritur në vendin e ngjarjes, ndërsa janë ngritur pika kontrolli me qellim identifikimin dhe kapjen e autoreve.
