Shteti fqinjë do të mbajë një protestë masive pas dy ditësh, me datë 9 prill në orën 11:00 të paraditës.
Në tubim do marrin pjesë sektori shtetëror e privat, pushteti vendor, punonjësit e Punëtorëve të Ushqimit dhe Turizmit (POEET), si dhe Qendra e Punës së Athinës.
Kjo protestë do të mbahet për rritjen e pagave dhe përmirësimin e kushteve të jetesës, sidomos për strehimin, pas ngritjes së qirave, raporton media greke.
Greva do të shoqërohet me “paralizim” të jetës së përditshme në vend, pasi nuk do të funksionojë as transporti ajror e detar, ashtu sikurse as shërbimet e tjera qoftë private apo shtetërore.
Fluturime do të ketë vetëm për zyrtarët e qeverisë, për misione operacionale ushtarake dhe stërvitje të planifikuara, urgjencat mjekësore, ndihmat humanitare apo për raste të kërkim-shpëtimit.
Një nga kërkesat kryesore të protestuesve është paga e 13-të.
