I ftuar në studion e Çim Peka LIVE, analisti Andi Bushati tha se problemi kryesor në Shqipëri nuk është vetëm një opozitë e dobët, por një regjim autokratik që pengon lindjen e forcave të reja politike.
Analisti theksoi se , mungesa e një opozite të fortë është pasojë e një sistemi të mbyllur dhe të shtypur nga ndikimet e pushtetit.
Bushati u shpreh se, përderisa ky regjim vazhdon të kontrollojë politikën, çdo përpjekje për të krijuar një alternativë të vërtetë do të dështojë.
Ai i bëri thirrje qytetarëve të kuptojnë se është koha për një ndryshim sistemik dhe për rivendosjen e një demokracie funksionale në vend.
Andi Bushati:
Kemi dy opsione: A duhet mandati i katërt për Ramën apo jo?
Dëgjova Batonin, i cili tha se duhet një mandat i katërt për Ramën, duke e mbështetur këtë me argumentin që ka ndërtuar shkolla dhe ka bërë punë të rëndësishme, duke folur në mënyrë të ngjashme me Musk. Po kështu, ai theksoi se këto shkolla nuk janë marrë fare në konsideratë. Pra, kemi dy opsione: opsioni i Batonit, i cili e mbështet Ramën, dhe opsioni i Beratit, i cili thotë që Rama është ai që është, por për shkak të mungesës së opozitës, mbetet në pushtet.
Në këtë kuadër, vuri theksin se zgjedhjet varen nga defektet e opozitës, veçanërisht tek Berisha. Po ashtu, duket se të gjithë bien dakord që 11 maji është një fitore e padiskutueshme e Ramës. A ka dikush dyshime për këtë?
Megjithatë, nuk doja të merresha me tezën e Batonit, që thotë se Rama ka bërë punë të madhe, sepse kjo është një tezë joserioze. Dëshiroj të fokusohem te teza jote, që disekuilibri krijohet nga një opozitë e dobët në Shqipëri. Kjo është një tezë që ka shumë mbështetje dhe për të cilën flitet shpesh. Unë besoj se problemi në Shqipëri, ndryshe nga ajo që thotë Berat, nuk është opozita e dobët, por është regjimi autokratik që prodhon opozita të dobëta.
Në vendet ku funksionon një sistem demokratik, kur njerëzit janë të pakënaqur me opozitat, në periudha të shkurtra kohore krijohen forca të reja politike. Për shembull, Meloni është një prodhim trevjeçar, ndërsa Macron është një prodhim që ka lindur brenda vetëm tre muajve. Ku sistemi funksionon, opozitat lindin natyrshëm. Përkundrazi, në vende ku sistemi është i mbyllur dhe autokratik, siç ndodh në Shqipëri, opozitat nuk kanë mundësi të lindin.
Shembujt janë të shumtë: Në vitin 2005, kur ishte Nano kryeministër, sistemi lejoj një rotacion dhe Berisha u rikthye në pushtet në 1997. Po ashtu, Shqipëria e Sali Berishës në vitin 2013 lejoi rotacionin dhe erdhën dy figura të njohura, Rama dhe Meta, që ishin të lidhur me korrupsionin. Por këtu, ku mekanizmi është mbyllur, nuk ka mundësi për të krijuar alternativa.
Fakti që partitë e vogla janë të shtypura, nuk kanë financim dhe janë të lidhura me krimin, tregon se nuk ka hapësira demokratike për të konkurruar. Arlin Qorri e ka theksuar këtë, duke thënë se ka dalë në Pallatin e Kulturës dhe ka takuar shumë njerëz që thonin se kanë njerëz në punë, por nuk po marrin firmat që të mund të kandidojnë në zgjedhje.
Nëse nuk kuptohet autokracia shqiptare, atëherë nuk mund të shpresohet për një opozitë të vërtetë. Nëse nuk ndryshon sistemi, asnjë opozitë, përfshirë Berishën, nuk do të mund të konkurojë.
Për të mbyllur, teza që faji është vetëm i Berishës nuk qëndron. Edhe ‘Luli’ (Lulzim Basha) nuk ka pasur mundësi të konkurrojë më parë, por ka humbur gjithashtu. Edhe sikur të vijë një figurë si Trump, nuk do të mund të konkurrojë, pasi nuk ka një fushë loje të barabartë.
