Pak ditë më parë, partitë politike nënshkruan në KQZ kodin etik të fushatës elektorale, ku një prej pikave ishte dhe ndalimi i bullizimi. Por, kur bëhet fjala për kodet etike, i pari që i shkel ato është Edi Rama.
Edhe pse PS e nënshkroi atë dokument, Rama vazhdon ta etiketojë Sali Berishën si “buf kënetet”, teksa në mitingun e Athinës është marrë edhe me fizikun e liderit demokrat. Rama tha se Berishës i duket vetja i bukur, duke shtuar më tej “e dini vetë sa super seksi është..”.
“Bufi kishte dalë një ditë dhe thoshte unë jam krenar, e kam për nder të jem buf. Sepse bufi ka qenë simboli i Athinasë dhe Minervës, simbol i urtësisë dhe bukurisë se i duket vetja edhe i bukur atij, dhe ju e dini vetë sa super seksi është. Nuk bëhet fjalë për të njëjtin buf. Bufi i grekëve dhe romakëve quhet bufi vogël, ndërkohë bufi ynë është ai për të cilin populli thotë ç’më rri akoma aty o buf kënete? Ai bufi ynë rri e mbretëron në një llum që e ka penguar Shqipërinë e shqiptarët për kaq e kaq vite! Marrëveshjen ta marrim përmes anëtarësisë në BE, sepse në moemntin që bëhemi anëtarë pasaporta kuq e zi që do keni në dorë do të jetë e mjagtueshme dhe do jetë njësoj e barabartë me pasaportën greke që nuk do ju duhet fare!”, tha Rama.
