Një plagosje me thikë është regjistruar mesnatën e kaluar, rreth orës 00:10, në rrugën “Ndre Mjeda” në Tiranë.
Autoritetet policore raportojnë se shtetasin G. P., 28 vjeç, banues në kryeqytet ka plagosur me thikë një 37-vjeçar. Pas krimit, i riu është arrestuar nga Policia, teksa i plagosuri ka marrë asistencë mjekësore në spital dhe është jashtë rrezikut për jetën.
Blutë e kryeqytetit bëjnë me dije se nga verifikimet e mëtejshme, ka rezultuar se shtetasi G. P., ishte me masë sigurie “Arrest në shtëpi”, për veprën penale “Drejtimi i automjetit në mënyrë të parregullt”.
Materialet procedurale i janë referuar Prokurorisë së Tiranës për veprime të mëtejshme.
