Një plagosje armë zjarri është regjistruar Elbasan, teksa autori, person me preceden penal, është arrestuar nga Policia.
Sipas autoriteteve policore, 32-vjeçari Ilir Dedja, gjatë një konflikti për motive të dobëta, ka qëlluar me armë gjahu shtetasin B. B., 53 vjeç. Ky i fundit ka mbetur i plagosur në këmbë dhe është transportuar në spital, ku ndodhet nën kujdesin e mjekëve, jashtë rrezikut për jetën.
Autori Ilir Dedja është arrestuar nga Policia, teksa rezulton me precedent të mëparshëm penal në fushën e vjedhjes.
Raportohet se gjatë kontrollit në banesën e autorit, uniformat blu kanë gjetur një armë zjarri automatike me silenciatorë, armën e gjahut me të cilën dyshohet se plagosi 53-vjeçarin dhe municion luftarak.
Policia bën me dije se arma e zjarrit me silenciator është dërgua në Institutin e Policisë Shkencore për ekzaminim të mëtejshëm, për të parë nëse është përdorur në ndonjë ngjarje kriminale të ndodhur më parë.
Në kuadër të këtij operacioni, është proceduar penalisht në gjendje të lirë dhe shtetasi A. M., 35 vjeç, pasi dyshohet se ka patur dijeni për ngjarjen dhe nuk ka kallëzuar në Polici.
Materialet procedurale i kaluan Prokurorisë së Elbasanit për veprime të mëtejshme.
