Analisti Enton Abilekaj, ka deklaruar se gara elektorale për zgjedhjet e 11 Majit është e fortë.
Gjatë një interviste televizive, Abilekaj ka deklaruar se skema që Rama po përdor në këtë fushatë elektorale, është vetëm për t’iu përkthyer atij në vota në interes të tij, gjë që do të çojë në reduktimin e emrave të njohurtë deputetëve në PD.
Përsa i përket emrave të rinj në PS, Abilekaj thotë së ata janë pa përvojë në Partinë Socialiste.
“Rreth 10 deputetë nga këta që janë aktualisht, do të luftojnë për 5 ose 6 vende, maksimumi 7 vende. Skema elektorale e përbindshme, e ftohtë, e fortë që garanton vota vetëm për Edi Ramën, pra për Partinë Socialiste. Largon nga Parlamenti një pjesë të njerëzve që nuk kanë mundësi të bëjnë një fushatë me para dhe me shumë para, që nuk krijojnë lidhjet me grupet e interesit që sot janë biznes, bandat kriminale. Dhe sigurisht që bazën nuk e njohin të gjithë nga PS, kështu që largon nga Parlamenti edhe deputetë si pandeli Majko, ose si Erion Braçe. Mund të rrezikojnë sepse nuk dihet si shkon, pasi përveç votave të partisë nuk kanë asnjë votë tjetër ku të bazohen. Kjo është ajo që duket, që është sipërfaqja e gjithë kësaj gare.
Pjesa tjetër është një dëshirë e Edi Ramës për të spastruar Partinë nga figurat e konsumuara dhe për ta bërë partinë me figurat pakonsumuara për të dhënë imazhin e asaj që tha ai ‘Ne jemi partie e re në dukje, por më e vjetra në përvojë’. Pra, në dukje të ketë të rinjtë që kanë aplikuar tek ‘Shqipëria që duam’ që kanë kaluar deputetë pa asnjë lloj gare, pa asnjë lloj karriere në PS, pa asnjë lloj forumi, ishte një vendim që e ka shpallur Edi Rama dhe ata do ta marrin vesh në të njëjtën kohë që do ta marrim vesh edhe ne”, ka deklaruar Abilekaj në Syri TV.
