Dy persona të shpallur në kërkim ndërkombëtar nga autoritetet shqiptare janë arrestuar në Gjermani. Në operacionin e koduar “Exchange 2”, janë vënë në pranga shtetasi Brian Syzo, 44 vjeç dhe Klevis Gjonkolaj, 20 vjeç.
Policia raporton se Brian Syzo akuzohet se në vitin 2022 ka shitur Kokainë në mënyrë të përsëritur në lokalin e tij, në Pogradec, ndërsa Klevis Gjonkolaj është i dënuar si bashkëpunëtor për vjedhje të kryer në Paskuqan, në vitin 2023.
“•Në vitin 2022, Gjykata e Korçës i ka caktuar 44-vjeçarit Brian Syzo, masën e sigurisë “Arrest në burg”, për veprën penale “Prodhimi dhe shitja e narkotikëve”, pasi dyshohet se në mënyrë të përsëritur, ka shitur lëndë narkotike Kokainë, në lokalin e tij, në Pogradec.
•Në vitin 2024, Gjykata e Tiranës e ka dënuar 20-vjeçarin Klevis Gjonkolaj, me 6 muaj burgim, për vjedhje.” – thuhet në njoftimin e Policisë.
Autoritetet thonë se vijon bashkëpunimi ndërmjet strukturave homologe të Interpolit, për të finalizuar procedurat për ekstradimin në Shqipëri të të dy të arrestuarve.
