Skënderbeu ka mposhtur bindshëm 0-3 në transfertë Bylisin duke marrë tre pikë të rëndësishme në luftën për mbijetesë.
Klubi korçar e mbylli pjesën e parë në avantazh të dyfishtë me dopietën e sulmuesit Saleh Nasr.
Fillimisht egjiptiani zhbllokoi shifrat në minutën e 23-të. Sulmuesi përfitoi nga një mosmarrveshje mes portierit dhe mbrojtësit të Bylisit, ku me portën e boshatisur e pati shumë të lehtë ta shtynte topin drejt rrjetës.
9 minuta më vonë ishte sërish 25-vjeçari që goditi vendasit. Pas asistit të Prençit, Nasr tund për herë të dytë rrjetën e Bylisit. Fillimisht gjyqtari akordoi pozicion jashtë loje, por pas konsultimit me VAR-in, goli u konsiderua i rregullt.
Goli i tretë dhe që i vuri “vulën” takimit erdhi teksa sfida po i drejtohej fundit. Në minutën e 81-të Pas asistit të Janaqit, Laquinha me një parabol fantastike tundi rrjetën e ballshiotëve për herë të tretë.
Ky ishte triumfi i dytë radhazi për Skënderbeun, që duelin e ardhshëm do e luajë në transfertë ndaj Elbasanit, ndërkohë që Bylisi pret Teutën në shtëpi.
Renditja:
