Një burrë rreth 60-vjeç, ka humbur jetën pasi dyshohet se ra aksidentalisht në gropën me ujë në një pallat të papërfunduar në Tiranë.
Ngjarja ka ndodhur në rrugën “Haxhi H Dalliu”, ndërsa viktima ende nuk është identifikuar.
“Në rrugën “Haxhi H Dalliu” në një pallat ende të papërfunduar, dyshohet se aksidentalisht ka rënë në një gropë me ujë dhe për pasojë ka humbur jetën një shtetas ende i paidentifikuar, rreth 60 vjeç. Grupi hetimor ndodhet në vendngjarje dhe po punon për identifikimin e tij dhe për sqarimin e rrethanave të ngjarjes”, njofton policia.
Materialet procedurale iu referuan Prokurorisë së Tiranës, për veprime të mëtejshme.
