Një 36 vjeçar banues në Ksamil është arrestuar pasi dyshohet se është autor i disa rasteve të vjedhjeve.
I riu i identifikuar me inicialet A.Z dyshohet për dy vjedhje.
“Më 28.02.2025, ka vjedhur një shumë parash në dy subjekte tregtare në Ksamil.
Më 22.02.2025, ka kryer vjedhje me anë të mashtrimit në një karburant në fshatin Çlirim, bashkia Finiq, duke furnizuar automjetin me naftë dhe u larguar pa paguar. Për të mos u identifikuar, kishte mbuluar targat e automjetit të marrë me qira.
Në Vlorë identifikohet dhe shpallet në kërkim 37-vjeçari, D. B për një rast vjedhjeje dhe një tentativë vjedhjeje.
Ndërkohë, Policia e Vlorës dokumentoi një rast të vjedhjes dhe një rast të tentativës së vjedhjes në dy subjekte tregtare, duke shpallur në kërkim shtetasin D. B., 37 vjeç, banues në Vlorë.
Më 25.02.2025, ka tentuar të hyjë me forcë për të vjedhur në një subjekt tregtar në lagjen “Pavarësia 3”.
Më 27.02.2025, ka vjedhur materiale elektrike në një subjekt tregtar në lagjen “Pavarësia 2″”, njofton policia.
Të dy autorët u pikasën nga pamjet e kamerave të sigurisë.
