Sekretari i Përgjithshëm i “Shqipëria Bëhet”, Elton Laska tregon sjelljen me standard të dyfishtë të kryeministrit Edi Rama ndaj drejtësisë.
Laska shkruan se Rama deri dje distancohej nga zyrtarët e korruptuar, kurse sot kreu i qeverisë është shndërruar në një studio avokatie ndaj çdo të akuzuari.
Ai paralajmëron se Rama në të ardhmen mund të mbrojë edhe Olsi Ramën, Amant Josifin apo edhe Coldean.
“Edi Rama deri dje shprehej se PS dhe mazhoranca nuk mbajnë asnjë përgjegjësi për zyrtarët e korruptuar të kësaj familje politike që kanë punë me SPAK. Sot Edi Rama e ktheu Grupin Parlamentar të PS në studio avokatie të rektorit të UBT, Fatbardh Sallaku, që siç theksoi dhe vetë Kryeministri është pak demokrat. Me këtë standard nesër në vend të Fatbardh Sallakut grupin Parlamentar të PS mund ta përdorë si mburojë edhe Olsi Rama, Amant Josifi dhe Coldea”, shkruan Elton Laska
