Altin Dumani ka folur sot në “Qendra për studimin e demokracisë” e organizuar në kuadër të Tryezës së Drejtësisë. Kreu i SPAK, ndër të tjera përmendi punën e bërë nga institucioni i tij gjatë këtij 5-vjeçari, qysh prej periudhës në të cilën u krijua.
Dumani theksoi edhe një herë se nuk ka më të paprekshëm, si dhe i mëshoi faktit të konsolidimit të institucionit që drejton. Në fund e mbylli duke garantuar se SPAK do të respektojë ligjin në çdo kohë dhe për çdo subjekt që do të vihet para drejtësisë.
“Sic duhet edhe nga përmbajtja e materialit konstatohet një progres i arritur nga SPAK dhe një tregues që SPAK është në gjendje të kryerje në pavarësi të plotë hetime të guximshme kundër zyrtarëve të lartë që kanë dëshmuar se epoka e paprekshmërisë po lëkundet. Po ashtu rritja e kapaciteteve të SPAK ka vendosur themele të shëndosha. Besimi i partnerëve ndaj SPAK është rritur, kryesisht nga SHBA, Britania e Madhe, Zvicra dhe vendet e Amerikës Latine. Dua t’I falënderoj të gjithë për besimin që kanë pasur ndaj nesh. Gjithashtu marrëdhënien me INTERPOL, EUROPOL dh EUROJUST është forcuar. Lufta ndaj pastrimit të parave, synon të japë mesazhe të qarta që krimi nuk mund të blejë. Tashmë jemi në fazën e konsolidimit të institucionit”, tha Dumani.
Drejtuesi i Prokurorisë së Posaçme Antikorrupsion, deklaroi se SPAK përballet me sfida, por do të vazhdojë ta kryejë detyrën me integritet. Altin Dumani theksoi se SPAK është në fazën e konsolidimit duke kërkuar besim tek prokurorët e posaçëm.
Edhe pse kryeministri Edi Rama provokoi ditën e djeshme duke thënë se mund ta shkrijë kur të dojë SPAK, Dumani u duk se iu përgjigj duke thënë se qytetarët kanë fituar besimin e tyre.
“Lufta kundër korrupsionit ngelet sfidë për institucionin tonë, kjo periudhë 5 vjeçare ka shërbyer për maturimin e institucionit. Jemi në fazën e konsolidimit të institucionit, Besimi tek reforma në drejtësi po rritet, ka sifda por SPAK do të vazhdojë të kryejë detyrë me integritet. Kërkohet bashkëpunim mes prokurorëve, policisë, agjencive të inteligjencës dhe institucioneve të tjera. Duhet të keni besim te integriteti i prokurorëve të SPAK dhe përkushtimi i tyre për hetime komplekse dhje çështje që respektojnë të gjitha palët. Garantojmë se çdo lloj ndikimi i jashtëm nuk do të cenojë as dobësoje forcën tonë hetimore në përmbushje të të ligjeve dhe misionit përballë shoqërisë”, tha Dumani.
Drejtuesi i Prokurorisë së Posaçme Anti-Korrupsion (SPAK), është shprehur se goditja ndaj fuqisë ekonomike të krimit të organizuar dhe korrupsionit të zyrtarëve të lartë ka bërë progres.
Kreu i SPAK bëri një bilanc teksa u shpreh se vlera e aseteve të konfiskuara në vitin 2024 është 59 mln euro. Dumani theksoi se mes aseteve të sekuestruara janë kriptovalutat, teksa shtoi se po përdoren masivisht nga organizatat kriminale për të blerë sasi kokaine dhe pastrim parash.
Drejtuesi i Prokurorisë së Posaçme shtoi se me luftën ndaj pastrimin e parave nga SPAK synon të japë mesazhin që krimi nuk mund të blejë apo të shpërblejë.
“Goditja ndaj fuqisë ekonomike të krimit të organizuar dhe korrupsionit të zyrtarëve të lartë gjithashtu ka bërë progres. Vlera e aseteve të sekuestruara dhe konfiskuara në total për vitin 2024 ka rritur në vlerën 59 mln euro, këtu përfshihen edhe kriptovalutat që po gjejnë gjithnjë e më shumë përdorim nga organizatat kriminale me kryerjen e veprimeve të tyre duke i përdorur masivisht si për të blerë sasira kokaine dhe pastrim parash. Lufta ndaj pastrimin e parave nga SPAK synon të japë mesazhin që krimi nuk mund të blejë apo të shpërblejë”, tha Dumani.
